حرنكش يارب يعجبكوا

حاجه كاتبها ومسميها حرنكش

قلنا يا مسهل

والحلم فى ثانيه اتسهل

والثوره عملناها

احزاب وكام ائتلاف

طافو ف المطاف

والشعب اتشجع وبطل يخاف

والفرحه كمان عشناها

وبعد ما لفت بينا الايام

والكل عمل كام اعلان

يحكى عن اصله وعن الانجاز

وعن توفير اللحمه وانبوبه البوتجاز

وتعديل معاهده ووقف تصدير غاز

بقت الجمعه كل جمعه

بعنوان واسم

مره يطالبو بتعديل مواد

ومره يهاجمو كام قسم

وادى الثوره هتتحول حرنكش

من غير قائد هتبقى فركش

اسف ليكم او لمؤاخزه

اصل الميدان اتحول غورزه

الكل فيه بقا طماع وبتاع مزاج

مرض انانيه ماسك الناس عاوز علاج

فين المصرى الحق

الى رفض الظلم

واتشجع وقال لا

الى العالم باسمه ضرب بيه المثل

واستعمل ضرب نار وموقعه الجمل

فجاه ليه اختفى

وساب الجمل بما حمل

ليه سبنا الميدان والثوره يبقو حرنكش

لكل يوم اعتصام وقعد ف بيته وطنش

ليه سبنا مصر تتحول تورتايه

مش كفايه تلاتين سنه

عشت باخد ع قفايه

قوم يلا انتا وهو معايه

نمشى حياتنا وحياه بلدنا

نشوف املنا ومستقبلنا

نبنى بيتنا من اول وجديد

ومنخليش ثورتنا حرنكش

ونشوف ايه المهم وايه المفيد

ومنسبش عقولنا لغيرنا

يلعبو بيها

او بلدنا تورتايه يقسمو فيها

اصل الثوره يا ناس

مكنتش حرنكش

او فيلم سينمائى

وفى النهايه المخرج قال فركش

تسلمى